Арганізацыя заклікае да рэалізацыі рэпрадуктыўных правоў чалавека і падтрымлівае доступ да шырокага спектру паслуг у галіне сэксуальнага і рэпрадуктыўнага здароўя, уключаючы добраахвотнае планаванне сям'і, ахову здароўя маці і ўсебаковую палавую асвету. Займаецца падтрыманнем даследчых праграм у сферы сэксуальнага і рэпрадуктыўнага здароўя насельніцтва, сацыяльных праблем дзяцей і моладзі, гендэрнай няроўнасці і інш.

Бюро аналізуе і распаўсюджвае інфармацыю аб насельніцтве, яго здароўі і дабрабыце з мэтай усеагульнага дабрабыту, распрацоўвае камунікацыйныя інструменты і стратэгіі з мэтай удасканалення рэгіянальнага планавання і ўстойлівага развіцця, з'яўляецца надзейнай крыніцай дэмаграфічнай інфармацыі па краінах свету за абраны перыяд часу.

Аддзел народанасельніцтва праводзіць дэмаграфічныя даследаванні, падтрымлівае міжурадавыя працэсы ААН у галіне народанасельніцтва і ўстойлівага развіцця, дапамагае краінам у развіцці іх патэнцыялу для вытворчасці і аналізу дэмаграфічных дадзеных і інфармацыі.

Місія Саюза заключаецца ў садзейнічанні навуковым даследаванням народанасельніцтва, заахвочванні абмену паміж даследчыкамі па ўсім свеце і стымуляванні цікавасці да праблем народанасельніцтва. Арганізуе семінары і практыкумы для пашырэння дэмаграфічных ведаў; займаецца навучаннем і павышэннем даследчага патэнцыялу спецыялістаў у галіне дэмаграфіі; праводзіць Міжнародную канферэнцыю па народанасельніцтве кожныя чатыры гады, каб сабраць сусветных спецыялістаў у гэтай галіне; публікуе вынікі сваёй навуковай дзейнасці ў розных выданнях, прызначаных для навуковай аўдыторыі, палітыкаў або шырокай грамадскасці.

Вядучая міжурадавая арганізацыя ў галіне міграцыі насельніцтва, якая працуе над забеспячэннем упарадкаванага і гуманнага кіравання міграцыяй, садзейнічае міжнароднаму супрацоўніцтву па пытаннях міграцыі, пошуку практычных рашэнняў міграцыйных праблем і аказанню гуманітарнай дапамогі мігрантам, у тым ліку бежанцам і ўнутрана перамешчаным асобам.

Асноўнымі навуковымі напрамкамі Інстытута з'яўляюцца: гісторыя і тэорыя дэмаграфічных і міграцыйных даследаванняў у расійскай і замежнай навуцы; актуалізацыя канцэпцый і палажэнняў дэмаграфічнай і міграцыйнай палітыкі, маніторынг і ацэнка рэзультатыўнасці мер дэмаграфічнай і міграцыйнай палітыкі ў Расіі; асаблівасці рэпрадуктыўных і шлюбных паводзін, нараджальнасці, трансфармацыі сямейных адносін і інстытута сям'і, эвалюцыя сямейна-дэмаграфічнай палітыкі; дынаміка здароўя і самазахавальных паводзін, працягласці жыцця і смяротнасці насельніцтва Расіі; асаблівасці міграцыйных паводзін насельніцтва, тэндэнцыі ўнутрырасійскай і міждзяржаўнай міграцыі, наступствы міграцыйных працэсаў; сацыяльныя, этнічныя і этнаканфесійныя асаблівасці дэмаграфічных і міграцыйных працэсаў у Расіі і замежных краінах, уключаючы ЕАЭС; мадэляванне і прагназаванне колькасці і дэмаграфічных структур насельніцтва Расіі і замежных краін на кароткатэрміновую і доўгатэрміновую перспектыву; дэмаграфічныя аспекты прасторавага развіцця, тэндэнцыі рассялення насельніцтва і ўрбанізацыйных працэсаў; удасканаленне метадалогіі статыстычнага ўліку дэмаграфічных і міграцыйных працэсаў у Расіі.

Асноўнымі навуковымі напрамкамі Інстытута з'яўляюцца: маніторынг і прагназаванне дэмаграфічнай сітуацыі Расіі; даследаванні ў галіне дэмаграфічнай і сацыяльнай гісторыі розных краін і рэгіёнаў свету; даследаванні праблем сям'і, нараджальнасці і ўзнаўлення насельніцтва; вывучэнне праблем грамадскага здароўя; вывучэнне смяротнасці і працягласці жыцця; аналіз унутраных і знешніх міграцый Расійскай Федэрацыі.

У структуры Інстытута эканомікі функцыянуе Цэнтр чалавечага развіцця і дэмаграфіі, асноўнымі напрамкамі навуковай дзейнасці якога з'яўляюцца: тэарэтычныя і метадалагічныя асновы фарміравання і развіцця чалавечага, сацыяльнага і дэмаграфічнага патэнцыялаў Рэспублікі Беларусь, перспектывы і рэгуляванне сацыяльна-дэмаграфічнага развіцця краіны; тэарэтычныя і метадалагічныя асновы эканамічнага механізма забеспячэння эколага-бяспечнага сацыяльна-эканамічнага развіцця; заканамернасці трансфармацыі працоўных адносін і перспектывы развіцця рынку працы; перспектывы і рэгуляванне сацыяльна-дэмаграфічнага развіцця, напрамкі і механізмы ўдасканалення сацыяльна-эканамічных інстытутаў і аптымізацыя міграцыйных працэсаў; распрацоўка стратэгіі дэмаграфічнай бяспекі і развіцця дэмаграфічнага патэнцыялу, чалавечага і сацыяльнага капіталаў у Рэспубліцы Беларусь як фактараў устойлівага развіцця; удасканаленне палітыкі Рэспублікі Беларусь у сферы чалавечага развіцця з улікам забеспячэння эколага-эканамічнай бяспекі развіцця краіны; падрыхтоўка штотыднёвых навінавых дайджэстаў па рынку працы, дэмаграфіі і экалогіі.

У структуры НДЭІ функцыянуюць Аддзел дэмаграфічных прагнозаў і занятасці і Аддзел прагназавання даходаў насельніцтва і ўзроўню жыцця ў рамках навуковага напрамку развіцця чалавечага патэнцыялу і сферы паслуг. Асноўнымі напрамкамі навуковай дзейнасці з'яўляюцца: дэмаграфічныя аспекты нацыянальнай бяспекі; распрацоўка стратэгій па павышэнні якасных характарыстык насельніцтва; удасканаленне дэмаграфічнай палітыкі Рэспублікі Беларусь на этапе пераходу да ўстойлівага развіцця; ажыццяўленне прагнозаў дэмаграфічнага развіцця краіны; даследаванне сучасных і перспектыўных тэндэнцыі нараджальнасці насельніцтва ў Беларусі; ацэнка сацыяльна-эканамічнага становішча дзяцей у Рэспубліцы Беларусь і якасці жыцця падрастаючага пакалення.

У структуры НДІ функцыянуе Цэнтр сацыяльна-дэмаграфічных даследаванняў, асноўнымі навуковымі напрамкамі якога з'яўляюцца: распрацоўка перспектыўных напрамкаў дзяржаўнай палітыкі ў галіне дэмаграфіі і народанасельніцтва; удасканаленне гендэрнай і сямейнай палітыкі Рэспублікі Беларусь; павышэнне ўзроўню жыцця розных груп насельніцтва; вывучэнне праблем старэння насельніцтва.